Skip Ribbon Commands
Skip to main content

ನಿಮ್ಮ ಕಂಪ್ಯೂಟರಿನಲ್ಲಿ ವಿಂಡೋಸ್ 7 ಅಳವಡಿಸಿಕೊಳ್ಳುವ ಮುನ್ನ ಇಲ್ಲಿ ಗಮನಿಸಿ

ಅತ್ಯಂತ ವೇಗದ ಕಾರ್ಯಾಚರಣಾ ತಂತ್ರಾಂಶ ಎಂಬ ಹೆಗ್ಗಳಿಕೆಯುಳ್ಳ ವಿಂಡೋಸ್ 7 ಅನ್ನು ನಿಮ್ಮ ಈಗಿರುವ ಕಂಪ್ಯೂಟರಿನಲ್ಲಿ ಅಳವಡಿಸಿಕೊಳ್ಳಬಹುದು. ಅಥವಾ ಹಾಲಿ ಇರುವ ವಿಂಡೋಸ್ ಎಕ್ಸ್‌ಪಿ ಇಲ್ಲವೇ ವಿಸ್ತಾ ಕಾರ್ಯಾಚರಣೆ ತಂತ್ರಾಂಶ ಇರುವಂತೆಯೇ, ಬೇರೆಯೇ ಡ್ರೈವ್‌ನಲ್ಲಿ ನೀವು ವಿಂಡೋಸ್ 7 ಅನ್ನು ಅನುಸ್ಥಾಪಿಸಿಕೊಳ್ಳಬಹುದು.
ಆದರೆ, ಈ ಆಧುನೀಕೃತ ಕಾರ್ಯಾಚರಣೆ ತಂತ್ರಾಂಶ ಅಳವಡಿಸಿಕೊಳ್ಳಲು ನಿಮ್ಮ ಕಂಪ್ಯೂಟರ್ ಕೂಡ ಸಿದ್ಧವಾಗಿರಬೇಕಲ್ಲವೇ? ಹಾಗಿದ್ದರೆ ಅದಕ್ಕೆ ಅಗತ್ಯವಿರುವ ಹಾರ್ಡ್‌ವೇರ್ ಯಾವುದು ಎಂಬುದರ ಬಗ್ಗೆ ಈ ಕೆಳಗೆ ಪಟ್ಟಿ ನೀಡಲಾಗಿದೆ.
  • 1 ಗಿಗಾಹರ್ಟ್ಜ್ (GHz) ಅಥವಾ ಹೆಚ್ಚು ವೇಗದ 32-ಬಿಟ್ (x86) ಅಥವಾ 64-ಬಿಟ್ (x64) ಪ್ರೊಸೆಸರ್
  • 1 ಗಿಗಾಬೈಟ್ RAM (32-ಬಿಟ್) ಅಥವಾ 2 ಜಿಬಿ RAM (64-ಬಿಟ್)
  • ಅನುಸ್ಥಾಪನೆಗೆ 16 ಜಿಬಿ (32-ಬಿಟ್‌ಗೆ) ಅಥವಾ 20 ಜಿಬಿ (64 ಬಿಟ್‌ಗೆ) ಲಭ್ಯ ಹಾರ್ಡ್ ಡಿಸ್ಕ್ ಜಾಗ
  • 1.0 ಅಥವಾ ಉನ್ನತ ಮಟ್ಟದ WDDM ಇರುವ ಡೈರೆಕ್ಟ್-ಎಕ್ಸ್-9 ಗ್ರಾಫಿಕ್ಸ್ ಸಾಧನ.
ಇದಕ್ಕೆ ಪೂರಕವಾಗುವ ಮತ್ತಷ್ಟು ಅಂಶಗಳೆಂದರೆ:
  • ಇಂಟರ್ನೆಟ್ ಲಭ್ಯತೆ (ಗಮನಿಸಿ, ಇದಕ್ಕೆ ಶುಲ್ಕಗಳು ಅನ್ವಯವಾಗಬಹುದು)
  • ನೀವು ಆಯ್ದುಕೊಳ್ಳುವ ವೀಡಿಯೋದ ರೆಸೊಲ್ಯುಶನನ್ನು ಅವಲಂಬಿಸಿ, ವೀಡಿಯೋ ಪ್ಲೇಬ್ಯಾಕ್ ಅತ್ಯುತ್ತಮವಾಗಿರಬೇಕಾದರೆ, ಅದಕ್ಕೆ ಹೆಚ್ಚುವರಿ ಸ್ಮರಣೆ ಪ್ರದೇಶ ಮತ್ತು ಆಧುನೀಕೃತ ಗ್ರಾಫಿಕ್ಸ್ ಯಂತ್ರಾಂಶಗಳ (ಹಾರ್ಡ್‌ವೇರ್) ಅಗತ್ಯ ಬೀಳಬಹುದು.
  • ಕೆಲವು ಗೇಮ್‌ಗಳಿಗೆ ಅಥವಾ ಪ್ರೋಗ್ರಾಂಗಳು ಸರಿಯಾಗಿ ಮತ್ತು ಪರಿಣಾಮಕಾರಿಯಾಗಿ ನಿಮ್ಮ ವಿಂಡೋಸ್‌ನಲ್ಲಿ ಕಾಣಿಸಿಕೊಳ್ಳಲು ಅಥವಾ ಕಾರ್ಯಾಚರಿಸಲು, ಡೈರೆಕ್ಟ್-ಎಕ್ಸ್ 10 ಅಥವಾ ಹೆಚ್ಚಿನ ಮಟ್ಟಕ್ಕೆ ಹೊಂದಿಕೆಯಾಗುವ ಗ್ರಾಫಿಕ್ಸ್ ಕಾರ್ಡ್‌ನ ಅವಶ್ಯಕತೆ ಇರಬಹುದು.
  • ವಿಂಡೋಸ್ ಮೀಡಿಯಾ ಸೆಂಟರ್‌ನ ಕೆಲವೊಂದು ಕಾರ್ಯಗಳಿಗೆ ಟಿವಿ ಟ್ಯೂನರ್ ಕಾರ್ಡ್ ಅಥವಾ ಹೆಚ್ಚುವರಿ ತಂತ್ರಾಂಶಗಳ ಅವಶ್ಯಕತೆ ಇರಬಹುದು.
  • ವಿಂಡೋಸ್ ಟಚ್ ಮತ್ತು ಟ್ಯಾಬ್ಲೆಟ್ ಪಿಸಿಗಳಿಗೆ ನಿರ್ದಿಷ್ಟವಾದ ಹಾರ್ಡ್‌ವೇರ್ ಅಗತ್ಯವಿರುತ್ತದೆ
  • ಹೋಂಗ್ರೂಪ್ ಬಳಸಬೇಕಿದ್ದರೆ ನೆಟ್‌ವರ್ಕ್ ಮತ್ತು ವಿಂಡೋಸ್ 7ನಲ್ಲಿ ಕಾರ್ಯಾಚರಿಸುತ್ತಿರುವ ಪಿಸಿಗಳು ಬೇಕಾಗುತ್ತದೆ.
  • ವಿಂಡೋಸ್ ಎಕ್ಸ್‌ಪಿ ಮೋಡ್ ಅನ್ನು ವಿಂಡೋಸ್ 7ರಲ್ಲಿ ಬಳಸಬೇಕಿದ್ದರೆ, ಹೆಚ್ಚುವರಿಯಾಗಿ 1 ಜಿಬಿ RAM, ಹೆಚ್ಚುವರಿಯಾಗಿ 15 ಜಿಬಿ ಹಾರ್ಡ್ ಡಿಸ್ಕ್ ಖಾಲಿ ಜಾಗ ಮತ್ತು ಇಂಟೆಲ್ –ವಿಟಿ ಅಥವಾ ಎಎಂಡಿ-ವಿ ಆನ್ ಆಗಿರುವ, ಹಾರ್ಡ್‌ವೇರ್ ವರ್ಚುವಲೈಸೇಶನ್ ಸಾಮರ್ಥ್ಯವಿರುವ ಪ್ರೊಸೆಸರ್‌ನ ಅಗತ್ಯವಿರುತ್ತದೆ.
  • ಸಂಗೀತ ಮತ್ತು ಧ್ವನಿ ಸಮರ್ಪಕವಾಗಿ ಕೇಳಲು ಸೂಕ್ತವಾದ ಆಡಿಯೋ ಔಟ್‌ಪುಟ್ ವ್ಯವಸ್ಥೆ ಬೇಕಾಗುತ್ತದೆ.
ಉತ್ಪನ್ನಗಳ ಕಾರ್ಯ ಮತ್ತು ಗ್ರಾಫಿಕ್‌ಗಳು ನಿಮ್ಮ ಸಿಸ್ಟಂನ ಕಾನ್ಫಿಗರೇಶನ್ ಆಧರಿಸಿ ಬದಲಾಗಬಹುದು. ಕೆಲವು ವೈಶಿಷ್ಟ್ಯಗಳನ್ನು ಬಳಸಬೇಕಿದ್ದರೆ, ಆಧುನೀಕೃತ ಅಥವಾ ಹೆಚ್ಚುವರಿ ಹಾರ್ಡ್‌ವೇರ್‌ನ ಅಗತ್ಯವೂ ಇರುತ್ತದೆ.

Read More on....

This site uses Unicode and Open Type fonts for Indic Languages. Powered by Microsoft SharePoint 2013.
©2016 Microsoft Corporation. All rights reserved.